日本小知識
日本小知識:日本女生不會做的4件事!

每個國家都有自己嘅獨特文化或者禮儀 ,連日本都唔例外,特別係女仔會有更多禮儀要遵守!一齊睇吓日本女仔平時有啲咩係唔會做啦~


1. 避免素顏出街


只要係出門口,日本女生就會化妝!日本人普遍認為將最好狀態、最整潔嘅一面示人,係一種尊重對方同自己嘅做法,所以好少日本女仔會素顏出街㗎~


2.唔會一個人去牛丼店同拉麵店

喺日本文化入面,拉麵店同牛丼店都係日本大叔收工食飯同聚集嘅地方,如果自己一個女仔行入去食飯,就會顯得格格不入,而且都會食得唔自在。


3.唔會著睡衣出街

同出街要化妝係同一個道理,因為要將最好狀態、最整潔嘅一面示人先係禮貌嘅行為!衣著服飾要根據場合而穿著,睡衣留返瞓覺著,出街就要著出街衫~


4.甚少喺公眾場合化妝

喺香港嘅返工時間經常見到呢個情況發生,但原來日本女仔好少會咁做㗎~ 因為喺日本,於公眾場合化妝被視為唔得體嘅行為,而且化妝品入面嘅味道同粉末會向四周飄散,容易影響到其他乘客。如果去日本旅行嘅時候想補妝,切記要入洗手間處理啊~

建議文章

Start typing and press Enter to search

Shopping Cart