日本小知識, 日本夏日風物詩
日本小知識:日本夏日風物詩!
「風物詩」係指可以代表季節感覺嘅事物,講起日本夏天風物詩,大家一定會諗起夏祭!🏮 但除咗夏祭,日本夏季其實仲有好多具代表性嘅嘢,今日我哋就一齊嚟了解吓其他幾個最能夠體現日本夏日嘅風物詩啦!

夏日盛開嘅向日葵係日本人最鍾意欣賞嘅花種之一,鮮艷嘅黃色花瓣的確令人充滿活力,所以日本嘅夏天一定唔少得去睇向日葵!

風鈴擁有清脆悅耳嘅聲音,喺炎熱嘅天氣下,風鈴聲的確會帶嚟涼快嘅感覺!川越嘅冰川神社仲會喺夏季舉辦「緣結風鈴祭」,好受當地人同遊客歡迎㗎!

香港人喺夏天最愛嘅西瓜其實都係日本夏日風物詩之一,大部分日本人都鍾意喺夏天玩「打西瓜」遊戲,打中咗之後就可以一齊分享香甜多汁嘅西瓜🍉

熱辣辣嘅夏天又點少得食冰!綿密嘅刨冰配上唔同口味嘅糖漿同水果,真係透心涼🤤 唔知大家又鍾意食咩口味呢? 其實代表日本嘅夏日風物詩仲有好多,大家都可以去發掘其他有趣嘅日本夏日風物詩,睇吓香港嘅有咩唔同呀~

建議文章

Start typing and press Enter to search

Shopping Cart