情人節, 好物推介, 禮物推介
情人節又嚟啦,唔想送花送朱古力咁悶咁可以送咩?

一講起送情人節禮物,大家一定會諗到送花同朱古力~ 但對於拍拖耐咗嘅情侶嚟講,每年都送呢啲嘢又點顯得出你的愛意呢?不如等小編介紹幾款禮物畀你哋參考吓啦!


1.禮物

送禮物從來都係「物輕情意重」,好多人都鍾意收到另一半親自為自己製作嘅禮物,無論係親手煮嘅情人節大餐、情人節卡或者配飾,都可以感動到另一半㗎~


2.精緻西式甜品

如果另一半鐘意食甜嘢,咁你都可以考慮揀一啲睇落精緻同較為高檔嘅西式甜品送畀對方,比如馬卡龍或者Cupcake呢啲,香港女仔真係好少可會唔鐘意食!擔心一買就要買好多件?其實依家市面上唔少蛋糕店都有推出二人份量嘅情人節主題精緻甜品,咁就唔使擔心買太多食唔晒變「大嘥鬼」啦~ 其實坊間亦有唔少DIY甜品烘焙店或係自製甜品教室,親自整幾款可愛甜品冧吓另一半都係唔錯嘅選擇!一齊食完情人節大餐,再送上親手制作嘅小甜品,咁就Sweet上加Sweet啦~


3.情侶物件

大時大節送一啲情侶款式嘅禮物,令份禮物更加有價值同意義~ 想低調地曬恩愛,可以揀情侶手裱或手鐲,小小嘅配件,就帶嚟大大嘅滿足感。而要高調咁放閃,情侶鞋同衫就啱晒你!一齊著或戴住同一款禮物出街,就更加甜蜜啦!


4.時間

平時忙於工作嘅你,不如喺情人節拎一日假,盡情享受同另一半朝夕相對嘅美好時光啦~ 你可以考慮安排一個本地一日遊,吃喝玩樂之餘順便幫另一半打返個靚卡;亦或者可以屋企悠閒度過,一齊煲劇同煮吓飯仔~ 只要隔離有佢喺到,就已經夠晒浪漫啦係咪?

提提大家,由即日喺至2月14日,APITA 同 UNY 亦為大家精心挑選咗唔少情人節禮品!真係諗唔到送咩嘅你都可以去睇吓㗎~

建議文章

Start typing and press Enter to search

Shopping Cart