零廢生活, 小貼士, 地球日
地球小救星!零廢生活小貼士

全球暖化一直都係受國際關注嘅議題,造成呢個「惡果」其中一個原因,就係我哋太過貪方便製造大量廢物???? 適逢4月22號嘅地球日,不如等小編推介幾個「減廢小貼士」,同大家一齊實踐源頭減廢,保護我哋生活嘅地球啦~

購物時盡量選擇玻璃或紙製包裝嘅產品
雖然塑膠又輕又方便,但並非所有類型嘅塑膠製品都可以回收!選擇玻璃製嘅包裝既可以循環再用,又唔使擔心重用嘅時候會釋放有害物質,另外紙製包裝又比起塑膠更容易回收,所以大家買嘢嘅時候都可以揀多啲使用非塑膠容器嘅產品~

購買外賣食物時「走餐具」
受到疫情影響,最近大家都經常外賣食物返屋企,棄置咗大量即棄餐具。買外賣嘅時候,大家不妨同餐廳職員表示唔要餐具!用自己嘅餐具食飯,除咗可以減少製造廢物,亦用得更加放心啦係咪~

選擇保質期較長嘅食物及避免購買重複食材
每次去街市或者超市購物之前,可以預先檢查吓雪櫃入面嘅食材,再列出購物清單,咁就可以避免購買大量重複嘅食材。另外,買嘅時候都可以選擇一啲保質期長啲嘅食物,咁就唔怕因為過期而嘥咗啦!

棄置家居垃圾前預先進行分類
垃圾分類並唔係將垃圾分為紙張、鋁罐和膠樽三大類別就搞掂㗎!仲要將佢哋清潔乾淨和同妥善處理先可以成功咁循環再造,例如:即棄膠樽要洗乾淨,撕走包裝紙同拎走樽蓋先可以放入回收桶。

為咗下一代都可以享受美好嘅生活環境,大家由今日開始記得跟足以上嘅小貼士,一齊為保護地球而努力呀~

建議文章

Start typing and press Enter to search

Shopping Cart